الثلاثاء، 22 يوليو 2014

أحلام فلسطينية عابرة


ترددت كتير قبل ما اكتب هادا  الموضوع ولاصحابي المصريين اللي هايستغربو اني بكتب باللكنه الفلسطينيه ولكن لكل حادث حديث
خطر ت ببالي فكره فيوم من الايام  وقولت ليش ما احلم وكقولتي المشهوره دائما يعني هو الحلم عليه جمرك وابتدت خيالاتي تتسع لتصل الي عنان السماء اللي هي مش موجوده اصلا  وكانت اول الامنيات

يا سلاااااااااام لو اقف في المطار في الطابور ولما يجي الدور علي جوازي الظابط يمشيني علي طول وميقوليش  (طب استريح علي جنب شويه علي ما ننادي علي اسمك )
او مثلا  مثلا يعني  يوم ما افكر اطلع فيزا عشان اروح بلد اوربيه  تطلع الفيزا في ظرف يومين  بس واسافر بعدها بيوم شو راح يصير يعني
نفسي  افرح لشعبنا  فرحه  ولو لشي واحد صار  زي ما بنعوض فرحتنا  في افراح الشعوب التانيه تحت تعليل الغلبانين (محنا كلنا ولاد وطن واحد)
وبعدين شطحت معي الاحلام  وعليت وحلمت انو فلسطين فجأه تحررت ما بعرف كيف  وما فكرت كيف انا اللي شوفته انو بلدنا رجعت وحلمت انو كل فلسطيني اصبح معاه جواز وسفاره محترمه في جميع انحاء العالم له حقوق وطبيعي عليه واجبات
وحلمت كمان انو كل فلسطين اصبحت مفتوحه  لاي فلسطيني يدخل اي بلد بدو اياها
لا واللي خربها خالص اني حلمت كمان انهم بيزوعو علينا اراضي  وكل واحد بياخد حته ارض اكبر من احلامه لانو صار عنا اراضي كتير مش عارفين وين ننوديها
بالاضافه طبعا  للعماله اللي اصبح فيها نقص وصرنا بدنا نستورد عمال من الخارج هههههههههه
نفسي لما اسافر علي مصر ادخل المعبر  وافوت بالجواز الفلسطيني  زيي زي اي انسان ما بفتشوه بزياده وكأنو خطر او آفه عالدوله
نفسي  لما اشتغل في بلد واقولهم بطلت اشتغل  ما اخاف  من الترحيل واقعد افكر بالليالي وين راح اروح او ايش راح اسوي لما يرموني عالحدود :)
نفسي اكمل تعليمي في الجامعه  بفلوسي ومن كدي  مش منحه بشحدها من الدول عشان  اثبتلهم اني متفوق
نفسي اتزوج واحده ابوها مش خايف يرمي بنتو مع فلسطيني لانو مش عارف شو راح يكون مصيرها
نفسي ولادي يتعلمو تعليم ثابت في تاريخنا  واعلم ولادي شو يعني يهود واعلمهم كيف يتمسكو ببلادهم ويحبوها ويخافو عليها وما يتركو حد يتفوه عليها ولو بكلمه بمزح
وفجأه فوقت من الحلم علي قناه الجزيره "قتلى في دمشق واخرين في اليمن "
ولجؤ الفلسطينين الي الام المتحده وما صار اي شي
وشهداء وقصف علي غزه كل يوم والتضليل الاعلامي ماسك في ليبيا وسوريا واليمن 
فعرفت في الاخر اني هاموت من غير حتي ما يطلعلي جواز بدل الوثيقه المصريه للاجئين الفلسطينين  فقولت اكتب احلامي 
وهوا يعني الحلم عليه جمرك  :)
اسف للي ما فهم  نص كلامي بس اعتقد انو العنوان  بمثابه اعتذار  :)